खबर सर्कल
काठमाडौँ । काठमाडौँको शङ्खरापुरमा चोरी गरेको आरोपमा एक युवालाई प्रहरीले नियन्त्रणमा लिएको छ।
शङ्खरापुर नगरपालिका वडा नम्बर १ छाप भन्ज्याङस्थित घरहरूमा चोरी भएको सूचनाका आधारमा खटिएको प्रहरी टोलीले बिहीबार दिउँसो जहरसिहंपौवास्थित होटेल रूफटपबाट तामाङलाई नियन्त्रणमा लिएको हो।
पक्राउ पर्नेमा सिन्धुपाल्चोकको मेलम्ची नगरपालिका वडा नम्बर ९ बस्ने २० वर्षीय कुमार तामाङ रहेका छन्। प्रहरी चौकी नाङलेभारेको टोलीले खोजतलास गर्ने क्रममा उनको साथबाट चोरीमा प्रयोग भएको फलामको रड १ थान, सुनको तिलहरी १ थान, मोबाइल १ थान र बा.प्र.०२-६४ प ६४७४ नम्बरको मोटरसाइकल बरामद गरेको छ।
चोरी सम्बन्धी कसूरमा तामाङलाई काठमाडौँ जिल्ला अदालतबाट ५ दिनको म्याद थप अनुमति लिएर प्रहरीले अनुसन्धान अघि बढाएको छ।
© 2026 All right reserved to nepalcircle.com | Site By : SobizTrend
