खबर सर्कल
काठमाडौँ, १५ भदौ: राष्ट्रकवि माधवप्रसाद घिमिरेको नाममा स्थापित पुरस्कार नियमित रूपमा प्रदान गर्ने उद्देश्यले रु २७ लाखको अक्षयकोष स्थापना भएको छ । मस्र्याङ्दी वाङ्मय प्रतिष्ठानका अध्यक्ष विजयराज न्यौपानेको अध्यक्षतामा शनिबार साँझ भएको बैठकले उक्त निर्णय गरेको हो ।
अक्षयकोषका लागि राष्ट्रकविकी धर्मपत्नी महाकाली घिमिरेले रु १६ लाख र परिवारका अन्य सदस्यले उक्त रकम प्रदान गर्नुभएको हो ।
प्रत्येक वर्ष राष्ट्रकविको जन्मजयन्तीको अवसर पारेर असोज ७ गते एक जना साहित्यकारलाई रु एक लाख नगद पुरस्कार प्रदान गरिने प्रतिष्ठानका कोषाध्यक्ष लक्ष्मण थापाले जानकारी दिनुभयो ।
यसअघि कोषमा रु १६ लाख मौज्दात थियो ।
R.S.S
© 2026 All right reserved to nepalcircle.com | Site By : SobizTrend
