भूकम्प प्रभावित कल्पत गाउँमा ‘एक घर, एक धारा’

खबर सर्कल

मंगलबार, २२ पुष २०८२

काँक्रेविहार (सुर्खेत),२२ पुसः भूकम्पका कारण पानीको मुहान सुकेपछि खानेपानीको समस्या भोग्दै आएका जाजरकोटको नलगाड नगरपालिका–१ कल्पत गाउँमा खानेपानीको सुविधा उपलब्ध गराएको छ ।

विसं २०८० कात्तिक १७ गते रामीडाडाँ केन्द्र विन्दु बनाएर गएको भूकम्पबाट खानेपानीमा समस्या भएको थियो । हाल नलगाड नगरपालिकाले एक घर, एक धारा निर्माण गरेपछि स्थानीयवासीलाई खानेपानीको सहज भएको हो । कल्पतका १३८ घरधुरीमा ‘एक घर, एक धारा’ निर्माण गरिएको नगर उपप्रमुख देवका लामिछानेले बताउनुभयो । श्रमदानसहित रु ५० लाख ५० हजारमा खानेपानी निर्माण भएको उहाँले जानकारी दिनुभयो ।

घर–घरमा धारा, पानी शुद्धिकरणका लागि सोलार सिस्टमसहितको वाटर डोजिङ मेसिन, इन–लाइन कोलोरेसन, लाइम–रिमुभेबल मेसिन जडान तथा हरेक घरमा शौचालय निर्माण गरिएको छ । साथै गाउँमा फोहर व्यवस्थापनका लागि दीर्घकालीन योजना पनि अघि बढाइएको छ । कल्पतमा भूकम्प जानुभन्दा पहिला सार्वजनिक धारा रहेकामा अब घर, घरमा पानीको धारा निर्माण गरिएपछि पानीका लागि सहज भएको वडाध्यक्ष धर्मेन्द्र महरले जानकारी दिनुभयो ।

R.S.S

प्रतिक्रिया