खबर सर्कल
काठमाडौँ, २७ फागुन : एन्फा राष्ट्रिय लिग फुटबल प्रतियोगिताअन्तर्गत आज भएको खेलमा लालीगुराँस एशोसिएसन र न्युरोड टिम (एनआरटी)बीचको खेल बराबरमा सकिएको छ ।
सातदोबाटोस्थित एन्फा मुख्यालय मैदानमा भएको खेलमा दुवै टोलीले एक/एक गोलको बराबरी खेल्दै अङ्क बाँडेका छन् । खेलको २६औँ मिनेटमा एनआरटीका कप्तान अञ्जन विष्टले गोल गर्दै टोलीलाई पहिलो अग्रता दिलाए । त्यस्तै, खेलको अन्तिम मिनेटमा लालीगुराँसका आशिष गुरुङले गोल गर्दै खेललाई एक/एक गोलको बराबरीमा ल्याए । त्यसपछि खेलमा गोल हुन सकेन र खेल एक/एक गोलको बराबरीमा सकियो ।
यस बराबरीसँगै एनआरटी सातौँ स्थानमै सीमित भएको छ । दश खेलमा एनआरटीले १९ अङ्क जोडेको छ । यता समान १० खेल खेलेको लालीगुराँस २० अङ्क जोड्दै अङ्क तालिकाको चौथो स्थानमा उक्लियो ।
R.S.S
© 2026 All right reserved to nepalcircle.com | Site By : SobizTrend
