खबर सर्कल
काठमाडौँ । स्वास्थ्य तथा जनसङ्ख्या मन्त्रालयले काठमाडौँको टुकुचा–बागमती संगम नजिकको ढलमा जेठ १३ गते भेटिएको पोलियो भाइरस मानिस नसरेको जनाएको छ ।
१३ जेठ २०८१ मा संकलन गरिएको ढलको नमुना परीक्षण गर्दा ‘भ्याक्सि डेरिभ्ड पोलियो भाइरस–टाइप ३’ देखिएको थियो । यो भाइरस काठमाडौँमा पोलियोको आशंका गरिएको थियो। फेरि नमुना परीक्षण गर्दा पोलियो नदेखिएको मन्त्रालयले विज्ञप्ति मार्फत जनाएको छ ।
मन्त्रालयका प्रवक्ता डा प्रकाश बुढाथोकीद्वारा जारी विज्ञप्तिमा जेठ २२ गते सोही स्थानबाट संकलन गरिएको नमुना परीक्षणमा पोलियो भाइरस नदेखिएको उल्लेख गरिएको छ ।
नेपालमा हाल कुनै पनि व्यक्तिमा भाइरसको संक्रमण पुष्टि नभएको पनि मन्त्रालयले जनाएको छ । मानिसमा पोलियोको संक्रमण नभएर ढलमा भाइरस देखिएको घटना मात्र रहेकाले आत्तिन नपर्ने मन्त्रालयको भनाइ छ ।
श्रोत: रातोपाटी
© 2026 All right reserved to nepalcircle.com | Site By : SobizTrend
