खबर सर्कल
बुटवल । बुटवलस्थित सुप्रिम बचत तथा ऋण सहकारी घोटाला प्रकरणमा पक्राउ परेकाहरूको थुनछेक बहस जारी छ । जिल्ला अदालत रुपन्देहीमा बिहीबार प्रतिवादीको तर्फबाट ७ जना अधिवक्ताहरूले बहस गरेका हुन् ।
न्यायाधीश डा प्रकाश उप्रेतीको इजालालमा बिहीबार ४ जनाको बयान सकिएपछि थुनछेक बहस सुरु भएको हो ।
अधिवक्ताहरू जोख बहादुर खत्री (विक्रम), बाबुराम पाण्डेय, शिव गौडल, कृष्ण पोखरेल, हेमराज पन्तलगायत ७ जनाले बहस गरेका हुन् ।
अझै ४ जना अभिवक्ताहरूको बहस गर्न बाँकी रहेको छ । उनीहरूले शुक्रबार बहस गर्ने जिल्ला अदालत रुपन्देहीले जनाएको छ । त्यसपछि शुक्रबार नै आदेश आउने जनाइएको छ ।
© 2026 All right reserved to nepalcircle.com | Site By : SobizTrend
